Sindikatat greke të punëtorëve, të mbështetura dhe nga Partia Komuniste organizuan një protestë për të shënuar 1 Majin, Ditën Ndërkombëtare të Punonjësve.
Pavarësisht se në Greqi janë ende në fuqi masat për parandalimin e përhapjes së koronavirusit, protestuesit nën masa të forta sigurie për të zbatuar masat e distancimit social qëndruan për disa minuta në sheshin kryesor të Athinës, përballë Parlamentit.
Protestuesit me flamuj të kuq në duar, por edhe me maska dhe dorashka kërkuan më shumë të drejta për punëtorët.
