Koronavirusi mund të sjellë një rrezik të shtuar për mpikjen e gjakut dhe bllokimin e enëve të gjakut në tru, çka mund të sjellë edhe goditje në tru.
Kështu thuhet në një studim të University College Longon.
Sipas Daily Mail, studimi u përqendrua te pacientët e konfirmuar me Covid-19, që kishin pësuar goditje në tru nga humbja e papritur e qarkullimit të gjakut në tru.
Ekipi i studiuesve zbuloi se pati një rritje të një proteine që ka lidhje me koagulimin.
Sipas tyre, reagimi i ekzagjeruar imunitar ndaj inflamacionit te pacientët me koronavirus stimulon koagulimin jonormal të gjakut në tru.
Megjithatë studimi nuk është rishikuar dhe është bazuar te një numër i vogël pacientësh.
Shkencëtarët thonë se këtu duhen marrë për bazë edhe efektet e masave të distancimit social dhe ankthi nga shtrimi në spital që mund të ndikojnë në spektrin e mekanizmave ishemikë të goditjes te pacientët e studiuar.
