Katër viktima, 23 raste të reja dhe 111 të shëruar është bilanci i COVID-19 në 24 orët e fundit në Maqedoninë e Veriut.
Autoritetet shëndetësore njoftuan se nga 386 teste të realizuar në 24 orët e fundit, 23 prej tyre kanë rezultuar pozitiv me COVID-19.
Sipas qyteteve: 5 raste janë paraqitur në Shkup, në Kumanovë 5, Tetovë 6, Veles 2, Negotinë 2.
Në total numri i të infektuarëve në Maqedoninë e Veriut ka arritur në 1465, prej të cilëve 650 raste janë aktive.
Burime zyrtare bëjnë me dije se janë shëruar dhe 111 pacientë të tjerë me COVID-19, duke e çuar në 738 numrin e personave që kanë fituar betejën me koronavirusin.
Gjatë 24 orëve të fundit kanë ndërruar jetë dhe katër persona të tjerë me Covid-19.
Në Klinikën Infektive në Shkup ka ndërruar jetë një 62 vjeçar nga Shkupi. Në spitalin “8 shtatori” ka ndërruar jetë një 59 vjeçare nga Gostivari. Ndërkohë që janë evidentuar edhe dy raste të vdekjes si pasojë e Covid-19 në rrethinën e Kumanovës, respektivisht bëhet fjalë për persona të moshës 72 dhe 79 vjeçe.
Numri i përgjithshëm i personave që kanë humbur betejën me Covid 19 në Maqedoninë e Veriut shkon në 77.
