Gary Neville, ish-mbrojtësi i Man.United tashmë në rolin e analistit, ka folur në lidhje me ndalimin e futbollit dhe për diskutimet që bëhen për rikthimin e tij.
Neville beson se autoritetet po mendojnë të ndërmarrin disa rreziqe dhe të rikthejnë futbollin sepse ekziston një faktor i rëndësishëm ekonomik në lojë.
“Unë mendoj se nëse ky do të ishte një vendim jo-ekonomik, nuk do të kishte futboll me muaj. Ajo që po shohim tani është ajo që njerëzit po e vlerësojnë rrezikun. Cili është rreziku që ne jemi të gatshëm të marrim për të rikthyer futbollin? Arsyet për të cilat ne po e diskutojmë rikthimin e futbollit në këtë moment janë ekonomike, por e kuptoj”. – është shprehur Neville për “Sky Sport”.
