Vendet evropiane dhe OBSH kundërshtuan ashpër planin e Suedisë për të luftuar koronavirusin, por tani po konsiderohet si vendi që përfaqëson një model për rikthimin në normalitet.
Suedia zgjodhi të bashkëjetonte me sëmundjen dhe të forconte imunitetin duke mos zgjedhur që të mos mbyllë ekonominë e vendit. Të vetmet kufizime që vendosi ishin ndalimi i vizitave në azile dhe distancimi në klasa.
Ditën e sotme, drejtori ekzekutiv i Programit të Emergjencave në OBSH, Mike Ryan vlerësoi sistemin e kujdesit shëndetësor të Suedisë duke thënë:
“Suedia përfaqëson një model të ardhshëm nëse dëshirojmë të kthehemi në një shoqëri në të cilën nuk kemi kufizime. Sistemi i tyre shëndetësor ka mbetur gjithmonë brenda aftësive të tij për t’iu përgjigjur numrit të rasteve që ata kanë përjetuar. Suedia ka krijuar një politikë publike shumë të fortë rreth distancimit shoqëror, rreth përkujdesjes dhe mbrojtjes së njerëzve në institucione të kujdesit afatgjatë dhe shumë gjëra të tjera. Ajo që ka bërë ndryshe është që ka mbështetur shumë marrëdhëniet e saj me qytetarët dhe gatishmërinë e qytetarëve për të zbatuar distancën fizike.”
Deri tani, Suedia ka regjistruar 2,586 viktima dhe 21,092 të infektuar që prej shpërthimit të pandemisë.
