Milani është gati t’i ofrojë Gianluigi Donnarumma-s një zgjatje të kontratës, por vetëm deri në qershor të vitit 2022 dhe me një ulje të pagës.
Marrëveshja aktuale e portierit me klubin skadon në qershor të vitit 2021, që do të thotë se rreziku për ta humbur lojtarin me parametra zero është i madh.
Sipas La Gazzetta dello Sport dhe Tuttosport, klubi i Milanit po përpiqet ta zgjidhin këtë situatë qoftë edhe përkohësisht derisa situata të qartësohet.
Aktualisht 21 vjeçari përfiton 6 milionë euro te kuqezinjtë, ndërsa me kontratën e re kjo shumë do të zbriste në 5 milionë. Kujtojmë që disa ditë më parë, mediat italiane raportonin se Donnarumma, ishte i gatshëm të rinovonte kontratën, por kushti i tij ishte që paga të mbetej e njëjtë, diçka që kuqezinjtë duket se nuk mund ta realizojnë.
