Emiliano Insua dikur lojtari i Liverpool-it, në janar filloi aventurën e tij me Los Angeles Galaxy në MLS.
Në një intervistë të fundit të dhënë për programin radiofonik “Ataque Futbolero”, argjentinasi u pyet për Zlatan Ibrahimovic, edhe pse duhet thënë se dy futbollistët nuk e kishin shansin të takoheshin te ekipi kalifornian.
31 vjeçari ka deklaruar se shokët e skuadrës të LA Galaxy nuk i kanë folur mirë për Ibrën dhe se ambienti në dhomat e zhveshjes ishte shkaku i largimit të tij.
“Sinqerisht, nuk e njoh atë si person, por di që ai ka një personalitet të çuditshëm. Kur arrita atje (La Galaxy) ata më thanë disa gjëra mjaft private, por nuk do të ishte mirë të flisja për dikë që nuk e njoh. Gjithsesi mund t’ju them në ekip thuhet se ai nuk ishte shok i mirë i skuadrës dhe kjo është arsyeja pse ai u largua. Si lojtar, ai ishte shumë i mirë por, siç u thashë, ishte antipatik në dhomën e zhveshjes”.
