Duket se Bayern Munich nuk heq dorë nga shërbimet e Leroy Sane dhe kërkon me ngulm transferimin e 24-vjeçarit.
Sipas “Sport Bild”, anësori i Manchester City ka pasur një bisedë telefonike për rreth 30 minuta me trajnerin e bavarezëve Hans Flick dhe një transferim në Munih tanimë duket gjithnjë e më i mundshëm.
Kontrata e Sane te “Qytetarët” do të përfundojë në verën e vitit 2021 dhe kampionët e Premier League nuk duan ta humbasin me parametra zero dhe kështu mund të pranojnë ofertën e Bayern-it.
Para 1 viti Manchester City kërkonte më shumë se 100 milionë euro për kartonin e Leroy Sane ndërkohë që tashmë vlera e tij është ulur në mënyrë drastike kjo edhe për dëmtimin e rëndë që gjermani pësoi.
