Pas Arsenalit, skuadra e dytë angleze që rinisi stërvitjen, u bë Tottenham Hotspur. Sigurisht duke respektuar distancimin social, ditën e djeshme në fushën e stërvitjes dolën edhe “Gjelat”.
Futbollistët, të drejtuar nga trajneri Jose Mourinho dhe përgatitësit atletikë, kryen ushtrime fizike në distancë nga njëri-tjetri, siç është e parashikuar në protokoll.
Në seancën e stërvitjes vihej re prania e kapitenit dhe sulmuesit kryesor të skuadrës, Harry Kane, i cili duket se ka lënë pas dëmtimin që e mbante prej muajsh jashtë fushave dhe pritet të jetë i gatshëm për sprintin final të sezonit.
Drejtuesi e futbollit anglez, po përgatiten për të rifilluar sezonin dhe për ta çuar deri në fund, si mënyra e vetme për të shmangur humbje të mëdha ekonomike, por që gjithsesi duke parë edhe zhvillimet e fundit, asgjë nuk mund të quhet e vendosur.
