Partia për Drejtësi Integrim dhe Unitet i ka bërë thirrje institucioneve të reja të drejtësisë të hetojnë abuzimet e qeverisë në këtë kohë pandemie.
Përmes një deklarate, PDIU thotë se ndërkohë që Shqipëria ka dhënë mbështetjen më të ulët financiare në rajon, qeveria mblidhet për heqjen e TVSH-së ndaj jahteve, pagesat 5 milionë euro për inceneratorin e Tiranës dhe koncesione.
Deklarata e plotë:
Ndërkohë që ekonomia dhe 1 milionë shqiptarë që sot nuk punojnë, po presin pagën e luftës.
Ndërkohë që jemi vendi me mbështetjen më të ulët financiare në Rajon për ekonominë dhe në raport me Kosovën, Maqedoninë e Veriut dhe Malin e Zi;
Ndërkohë që shqiptarëve u flitet për luftë, arkivole e pirgje me kufoma dhe njerëzit dhe ekonomia vetëizolohen;
Ndërkohë që mbështetja për shëndetësinë dhe mbështetja financiare për sipërmarrjen duhet te ishin preokupimi i mbledhjeve te qeverisë;
Qeveria në mbledhjet e saj merret me heqjen e Tvsh-së për Jahtet.
Pagesa deri në 5 milionë euro për Incineratorin e Tiranës.
Qeveria gjen kohën dhe momentin ti japë “Kastrati Grup” me koncension: Portin e Porto Romanos.
Ftojmë prokurorinë dhe Spak të dalë nga vetëizolimi dhe të hetojë Pandeminë e abuzimeve.
Edi Rama: Laj duart!
