Dy persona janë arrestuar në Elbasan, pasi një akuzohet se ka dhunuar nënën e tij, ndërsa tjetri bashkëjetuesen.
Shtetasi H. H., 27 vjeç, është vënë në pranga, pasi ka ushtruar dhunë fizike dhe psikologjike ndaj nënës së tij. Mbi të rëndon akuza për veprën penale “Dhunë në familje”.
Në pranga ka përfunduar edhe shtetasi B. K., 63 vjeç, pasi ka plagosur me mjet të mprehtë (thikë) bashkëjetuesen, e cila pasi ka marrë mjekim në spital është larguar në banesë, jashtë rrezikut për jetën.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
