Shefja e kompanisë më të madhe të vaksinave në Britani ka paralajmëruar se deri në fund të vitit të ardhshëm nuk do të ketë vaksina masive për Covid-19.
Emma Walmsley, shefja ekzekutive e “GlaxoSmithKline”, tha se miliona doza nuk do të prodhohen deri në gjysmën e dytë të vitit 2021.
“Nëse gjërat shkojnë sic duhet, prodhimi i miliona dozave do të bëhet në gjysmën e dytë të vitit të ardhshëm”, tha Emma, raporton noa.ak duke cituar “Mail Online”.
Por firma Pfizer ka treguar optimizëm duke thënë se do të kenë gati vaksinën deri në vjeshtë. Kompania me bazë në Amerikë ka filluar prodhimin dhe mendon të ketë gati miliona doza deri në fund të vitit.
Zakonisht, zhvillimi i një vaksine merr disa muaj ose vite kohë, por studiuesit po i shmangen provave tek njerëzit. Ata thonë se procesi është më i thjeshtë pasi SARS-CoV-2 nuk ndryshon formë dhe është i ngjashëm me viruse të tjera që janë shfaqur më parë.
Edhe shkencëtarët e Universitetit të Oksfordit janë shprehur se mund të kenë gati miliona doza deri në vjeshtë.
