Mario Balotelli ka rrëfyer se ishte në prag të firmës me skuadrën e Juventusit, pasi u largua nga Manchester City.
Sulmuesi i Brescia-s, ka folur për këtë histori në një lidhje direkte në Instagram gjatë mbrëmjes së djeshme. Sulmuesi Italian, më tej ka shpjeguar se arsyeja përse ajo gjë nuk ndodhi ishte interesimi i Milanit për të, ofertë kjo e parefuzueshme për të.
“Pasi u largova nga Man.City, unë isha thuajse lojtar i Juventusit dhe isha i entuziasmuar për këtë. Por më pas u shfaq Galliani dhe kur mësova se Milani më kërkonte, u çmenda nga gëzimi”.
“Siç e dini jam një tifoz i kuqezinjve, kështu që ndoqa zemrën time. Në atë kohë Milani ishte në vendin e shtatë apo tetë në kampionat, pra do të ishte më e zgjuar që të shkoja te Juventusi, por në zemrën time unë kam Milanin”.
