Trupat inspektuese të Autoritetit Kombëtar të Ushqimit kanë vijuar inspektimet në garantim të sigurisë ushqimore dhe monitorime të përbashkëta në kuadër të Task Forcës së ngritur kundër përhapjes së COVID-19.
Janë kryer 144 kontrolle zyrtare dhe monitorime, Gjatë inspektimit në Tiranë janë dhënë 4 masa administrative “paralajmërim”, janë marrë 10 mostra për t’u analizuar, si dhe janë asgjësuar 78.282 ton produkte ushqimore me kërkesë të vetë subjektit.
Në Kukës është bërë monitorimi i të gjithë furrave të bukës, nga ku është vënë shirit bllokimi të gjithë prerësve të bukës.
Në Shkodër janë dhënë 3 masa administrative “paralajmërim”, ndërsa në Vlorë janë dhënë 2 të tilla.
Përsa i përket Planit të Monitorimit për marrjen e mostrave, janë marë 15 mostra për analizim për fruta-perime në Fier, 13 mostra në Korcë dhe 2 në Vlorë për analizimin e mbetjeve pesticide tek fruta-perimet, analizimin e fuqisë mbirëse tek farërat, si dhe mostra në produkte qumështi.
Në disa subjekte në Fier nuk ka pasur afishim masash për protokollin e sigurisë higjieno-sanitare në kuadër të masave të marra kundër përhapjes së COVID-19.
