Gazetari Vincent Van Gerven Oei, në një lidhje me emisionin “Tempora” në RTV Ora, tha se gjendja e fatkeqësisë natyrore nuk mund të shtyhet pa afat.
Van Gerven Oei foli edhe për dërgimin e mjekëve shqiptarë në Itali, ku sipas tij, nuk ka njeri jashtë Shqipërisë që nuk e kupton se ky ishte një akt propagandesk.
“Besoj se zgjatimi masave të gjendjes së jashtëzakonshme pa afat, është një rrezik edhe në vendet e tjera, pasi si mund të dimë ne kur arrihet fundit i pandemisë.
Duhet një Parlament i fortë dhe një shoqëri civile e fortë që të ndjekë hapat e qeverisë. Por në vende si Shqipëria, ky rol është shumë i vështirë për t’u luajtur. Rama ka sulmuar mediat gjithmonë dhe do të shfrytëzojë edhe këtë moment më tepër.
Nuk besoj se ka njeri jashtë Shqipërisë që nuk e kupton që dërgimi i mjekëve në Itali, nuk ka qenë një akt propagandesk.
Është e papërgjegjshëm për një vend me një infrastrukturë shëndetësore shumë të dobët që të dërgohen mjekë në Itali. Sidomos në një vend që ka një sistem shëndetësor ndër më të mirët në Evropë. Nuk e di për kë e bën Rama këtë gjë”, tha Vincent Van Gerven Oei.
