Mes 9 të shëruarëve me COVID-19 në 24 orët e fundit në vendin tonë, janë dhe një mjek dhe dy infermiere.
Lajmin e ka dhënë ministrja e Shëndetësisë Ogerta Manastirliu në një postim në rrjetet sociale.
Në total deri tani janë shëruar 53 pacientë të personelit shëndetësor.
Ministrja bën me dije se gati 90% e stafit mjekësor i prekur nga COVID-19 është plotësosht i shëruar nga ky armik i rrezikshëm.
Në total në vendin tonë janë 431 persona që e kanë fituar betejën me COVID-19.
