Falë sezonit që po zhvillonte përpara ndërprerjes së Serie A, Marash Kumbulla, ka fituar shumë admirues në botën e futbollit, me skuadrën e Interit që kryeson listën.
Për 20-vjeçarin ka folur edhe ish-trajneri i kombëtares shqiptare të futbollit, Gianni De Biasi, I cili në rolin e ekspertit të futbollit Italian ka ndarë një mendim mjaft pozitiv për mbrojtësin shqiptar.
“Kumbulla është i gatshëm për hapin e madh të karrierës. Ka personalitet dhe karakter për ta imponuar veten edhe në një ekip të shkëlqyeshëm si Interi”.
“Është një djalë i zoti, të gjithë flasin mirë për të. Ka fizik të fortë, si dhe është shumë teknik në daljen nga mbrojtja me topin në këmbë. Me Juriç trajner u zhvillua taktikisht, ka inteligjencë dhe di t’u paraprijë situatave, cilësi që i japin mundësi ta mbulojë shumë mirë zonën e tij. Ai di të luajë kudo, mund të jetë partner perfekt për çdo mbrojtës”.
