Një mjeke në Rusi ka rënë nga dritarja e zyrës së saj, gjatë një video-konference. Mjekja ishte duke komunikuar se spitali i saj do të jetë gati për të pranuar pacientë me koronavirus.
Yelena Nepomnyashchaya, 47 vjeçe dhe nënë e dy fëmijëve, po argumentonte për shkak të “nevojave akute” për mjete mbrojtëse për ekipin e mjekëve.
47-vjeçarja është duke luftuar për jetë në repartin intensiv pasi ka rënë nga kati i pestë, raportojnë mediat ryse.
Mjekja ishte në video-konferencë me ministrin regjional të Shëndetësisë, Boris Nemik, kur ka rënë.
Nënkryetari i qeverisë së rajonit Krasnoyarsk Aleksey Podkorytov pretendoi se arsyeja e rënies së saj të shtunën mund të ketë pasur shpjegime të tjera nga sa raportohet nga media lokale.
“Shumë gjëra mund të kenë ndodhur”, spekuloi ai. Policia po e heton rënien e saj dhe rrethanat e ngjarjes.
