Fakulteti i Gjuhëve të Huaja, në kuadër të kërkesës dhe domosdoshmërisë së zhvillimit të sezonit të verës të provimeve në kushtet e pandemisë apo pas pandemisë, ka vendosur, që provimet dhe mbrojtja e diplomave të bëhen “online”.
Ky fakultet ka vendosur që semestri i dytë i vitit akademik 2019-2020 të mbyllet “online” dhe sezoni i provimeve të realizohet “online”.
Departamentet do të nxjerrin datat e provimeve sipas rregulloreve në fuqi. Kështu, do të parashikohen dy data për secilën disiplinë.
Studentët kanë të drejtë të marrin pjesë në provim vetëm në një nga datat e caktuara nga departamenti.
Studentët që nuk do të munden të marrin pjesë në provim në asnjë nga datat e këtij sezoni, do t’u jepet mundësia në një sezon në shtator 2020.
