Gjatë një vizite në Milano ditën e sotme, Kryeministri italian, Giuseppe Conte ka hedhur poshtë idenë se Lombardia dhe Milano t’i kthehen normalitetit si zonat e tjera.
Sipas kryeministrit Conte, nuk janë kushtet që Rajoni i Lombardisë t’i kthehet normalitetit.
Duke u ndalur në prefekturën e Milanos, Conte tha se ky nuk është momenti për t’u dorëzuar pasi po bëhen shumë sakrifica.
‘Faza 2 është e bashkëjetesës me virusin, jo e lirisë”- qartësoi Conte.
Kjo ishte vizita e parë që Conte zhvillon në Lombardi, Rajoni që u godit fuqishëm nga COVID-19 dhe u shpall zonë e kuqe.
