Ish-kryeministri Sali Berisha ka publikuar në rrjetet sociale një video që tregon kushtet skandaloze ku janë karantinuar rreth 30 persona në Shkodër. Ato janë vendosur në konviktin e kthyer në karantinë, por mungojnë edhe kushtet më minimale, përfshi edhe ujin.
Personi që ka dërguar videon tregon pamjet nga dhomat dhe ambientet e tjera, ndërsa tregon se familjarë me fëmijë që flenë në oborr, pasi aty brenda kushtet janë skandaloze.
“Me WC të përbashkëta mbi 30 persona. Kushte skandaloze, myk, pa rubineta uji dhe lahemi me bidona. Si mund të rrinë fëmijët, njëri 1 dhe 3 vjeç këtu? Po flenë në makinë se nuk ka asnjë kusht këtu”, thotë denoncuesi, sipas të cilit askush madje nuk i ka ofruar as ushqime.
Ndërkohë duke postuar videon, Berisha shkruan “në karantinat e Edvinit uri, mungese uji, myk e pisllëk! Dëgjoni dëshminë rrëqethëse të qytetarit të ngujuar!”.
