Gjykata e Vlorës vendosi masën e arrestiit me burg për Dushan Spahiun dhe Paulin Koçin, të arrestuar 3 ditë më parë nga policia, pasi u kapën mbi një gomone me 2 motorë, 9 m e gjatë.
Të arrestuarit që u kapën nga radari në gomone, të dy nga Vlora, deklaruan se kishin dalë në det për të testuar mjetin lundrues, por pa pasur lejen përkatëse.
Gomonia dyshohet se ishte e vjedhur në Greqi. Autoritetet greke kishin njoftuar palën shqiptare disa ditë më parë për të nisur hetimet mbi rastin pas vjedhjes. Pas bllokimit në zonën e Karaburunit, pranë vendit të quajtur “Kepi i Gjuhëzës” gomonia u rimorkiua në Triport, ku iu dorëzua Policisë.
