Autoritete e shëndetësisë, konfirmuan 14 raste të reja me COVID-19 në 24 orët e fundit në vendin tonë.
Mësohet se një prej të infektuarëve, është një mjek i Sanatoriumit, tanimë të transferuar në Elbasan.
Mjeku me iniciale P. M. ka rezultuar pozitiv me COVID-19. Ai i përket stafit të Dispançerisë që po përkujdeset për të sëmurët me pneumoni në Spitalin e Elbasanit.
Pas transformimit të spitalit “Shefqet Ndroqi” në Covid-2, të sëmurët u transferuan në Elbasan në godinën e Neurologjisë dhe Kardiologjisë.
Aktualisht sektori ka 4 mjekë dhe 6 pacientë.
Referuar të dhënave zyrtare, në total në Shqipëri janë evidentuar 726 raste me koronavirus, nga 7279 teste që janë kryer në total. 410 prej tyre janë shëruar ndërsa 28 kanë ndërruar jetë.
