Si çdo ditë, ju bëjmë me dije rezultatet e 24 orëve të fundit sa i takon gjurmimit dhe hetimit epidemiologjik dhe situatën e deritanishme të përhapjes së COVID-19.
Gjatë 24 orëve të fundit janë testuar 264 persona të dyshuar me COVID-19.
Nga rezultatet e testimeve janë konfirmuar 14 raste pozitive me COVID19.
Ministria e Shëndetësisë ka publikuar sot për herë të parë raportin mes pacientëve të infektuar nga Covid-19 dhe atyre që janë shëruar, sipas bashkive që rezultojnë në zonat e kuqe, ose me përhapje të koronavirusit.
Referuar të dhënave zyrtare, në Tiranë numri i rasteve të koronavirusit është 293, ndërsa numri i të shëruarve 183, që do të thotë se në kryeqytet mbeten ende 110 raste aktive.
Në Shkodër nga 104 të prekur janë shëruar 55, ndërsa 49 pacientë mbeten ende aktivë.
Kruja, e cila është kthyer në një vatër të rrezikshme me 92 të prekur nga koronavirusi ka të shëruar 7 pacientë, ndërsa 85 mbeten aktivë.
Në Durrës dhe Fier, referuar shifrave zyrtare, ka pasur respektivisht 42 dhe 37 raste, ndërkohë që të shëruar janë 36 dhe 27.
Kurbini ka 31 raste me koronavirus, ndërsa asnjë prej tyre nuk është shëruar ende. Në Korçë nga 19 pacientë janë shëruar 18, që do të thotë ka 1 rast aktiv.
Në Elbasan nga 18 pacientë të infektuar janë shëruar 15 prej tyre, ndërsa në Kukës nga 18 raste janë shëruar 10 pacientë.
Në Lezhë duket se nuk ka më raste aktive, pasi nga 14 pacientë janë të shëruar të gjithë, sikundër edhe në Rrogozhinë ku ka pasur 4 raste dhe të gjithë rezultojnë të shëruar.
Referuar të dhënave zyrtare, në shërbimin infektiv aktualisht janë 30 pacientë të shtruar, nga të cilët 4 janë në terapi intensive.
Në spitalin COVID 2 “Shefqet Ndroqi”, janë 6 pacientë të shtruar, 2 pacientë janë në terapi intensive në gjendje të rënduar, ndërsa 4 pacientë janë në pavion.
Në dy spitalet COVID aktualisht po marrin shërbim 36 pacientë.
Harta e të prekurve nga COVID-19 zgjerohet në Krujë, Tiranë, Shkodër. Shpërndarja gjeografike e rasteve pozitive, është si vijon:
