Mike Tyson dëshiron të kthehet në ring. Këtë e ka zbuluar vetë boksieri amerikan në një lidhje direkte në Instagram me reperin T.I.
53-vjeçari ka shpjeguar më pas arsyen që do ta shtynte të kthehej në ring dhe gjithçka bëhet fjalë për një eveniment bamirësie.
“Kohët e fundit kam frekuentuar shumë palestrën. Jam stërvitur goxha aq sa për disa ditë më dhimbte trupi. Qëllimi është të rifitoj sa më shumë formën në mënyrë që të bëj boks për tre ose katër raunde për bamirësi”.
“Dua ta bëj për bamirësi, të grumbulloj fonde dhe të ndihmoj të pastrehët dhe ata që kanë varësi nga droga si unë”, ka përfunduar legjenda e boksit.
