Në vigjilje të 25 prillit, festës së Çlirimit të Italisë, deputeti Vittorio Sgarbi, në një deklaratë shokuese nga Parlamenti, ka thënë se shifrat e të vdekurve në Itali nuk janë të vërteta.
“Në jemi në prag të 25 prillit dhe duhet të jemi të bashkuar kundër diktaturave dhe të bashkuar për të vërtetën. Jo më 26 shkurt, por më 9 mars shkenca tha se virusi ishte pak a shumë një grip. Ajo shkencë ishte ajo që e tha këtë. Është e dokumentuar, mund ta gjeni, por mos gënjeni…. Ju dhatë numrat, jua jap edhe unë numrat. U tha 25 mijë të vdekur, kjo nuk është e vërtetë! Mos i përdorni të vdekurit për retorikë dhe terrorizëm. Të dhënat e Institutit të Shëndetësisë thonë se 60 për qind vdiqën nga patologji të tjera. Kjo është e vërteta…”, – tha ndër të tjera deputeti Sgarbi.
Edhe pse pas deklaratave të deputetit nisën replikat, ai vijoi më tej duke përmendur shifra nga Instituti i Shëndetësisë. Sipas tij, të dhënat e këtij instituti thonë se 60 për qind e mortalitetit kanë vdekur nga sëmundje bashkëshoqëruese.
Duke e krahasuar gjendjen në Itali me atë në Gjermani, Sgarbi tha se te kjo e fundit, ekonomia, shëndetësia dhe shkolla do të funksionojnë normalisht duke nisur nga 4 maji: “Ne jemi një shtet me më pak të drejta në Evropë. Gjermania ka dhënë prova force. Ne jemi poshtëruar edhe një herë nga Gjermania, edhe në këtë sëmundje. Ne mbyllëm 60 për qind të bizneseve. Unë po ju jap të dhënat, shkoni dhe kontrolloni.”
“… Të paktën këtu themi të vërtetën, të matim veten kundër Gjermanisë, të jemi të bashkuar kundër hipokrizisë dhe gënjeshtrave, kundër falsifikimeve, kundër numrave të rremë që jepen për të terrorizuar italianët. 25 000 të vdekurit, tha profesori Bassetti, vdiqën nga goditjet në zemër, kanceri dhe sëmundje të tjera”, – këmbëngulte Sgarbi duke iu drejtuar parlamentarëve të tjerë dhe të gjithë italianëve më 24 prill.
