Shtetet e Bashkuara të Amerikës vijojnë të qëndrojnë në krye të listës së vendeve më të godituara nga pandemia e koronavirusit. E megjithatë shifrat e ditës së fundit reklamojnë se situata ka nisur me ritme të lehta të përmirësohet.
Sipas të dhënave të Institutit “John Hopkins”, në 24 orët e fundit në SHBA, janë regjistruar 1258 viktima nga Covid-19, e cila konsiderohet shifra më e ulët në 3 javët e fundit.
Megjithatë ekspertët deklarojnë se ende nuk është momenti për të shpallur fitoren në vendin ku koronavirusi ka shkaktuar mbi 51 mijë viktima.
