Pandemia Koronavirus është përhapur në të gjithë botën dhe tashmë ka prekur miliona persona, duke mos kursyer askënd. Emrat e njohur që janë prekur nga ky virus, janë të shumtë, ndërsa e prekur është edhe familja e Jamie Carragher.
Legjenda e Liverpoolit ka bërë të ditur se gruaja e tij, Nicola, ka rezultuar pozitive për virusin ndërsa tezja e tij është shtruar në spital, javën e kaluar.
Carragher, aktualisht analist në “Sky Sports”, është lojtari që ka luajtur më shumë ndeshje për Liverpoolin në historinë e klubit, duke fituar edhe Champions League në sezonin 2004/05.
