Donis Avdijaj, është një mesfushor me tipare sulmuese i cili luan për klubin skocez Heart of Midlothian dhe për Kombëtaren e Kosovës.
Në një intervistë të dhënë së fundmi për “Sport BILD”, ai ka deklaruar nëse do të kishte marrë vendime më të zgjuara në karrierë tashmë do të ishte në një klub të madh ashtu si ish-shokët e tij të skuadrës Leroy Sane (Manchester City) dhe Thilo Kehrer (PSG).
“Ata punuan shumë dhe morën vendime të mençura, jam shumë krenarë me ta. Në qoftë se do veproja ndryshe në rini, të shkoja në njërin nga klubet e mëdha të interesuara për mua si Juventusi apo Liverpooli, situata tani mund të ishte ndryshe. Për fat që keq, mora vendime të gabuara”.
