Ish portieri polak i Liverpool-it dhe Real Madrid, Jerci Dudek ka kritikuar mjaft ashpër Lionel Mesin dhe Barcelonën e Pep Guardiolës, ndërsa Cristiano Ronaldon e quan arrogant por person të vërtetë.
Dudek sot 47-vjeç ka publikuar ditën e djeshme librin e tij autobiografik të quajtur “A big pole”. Në librin e tij ai ka rrëfyer shumë gjëra ndërsa nuk ka lënë pa përmendur Messin dhe Ronaldon por edhe skuadrën e Barcelonës në përgjithësi.
“Messi ishte një lojtar fals dhe provokues, ashtu si Barcelona dhe Pep Guardiola. Ishin gati të provokonin dhe nganjëherë arrinin deri në perfeksion. Kjo gjë i ka kushtuar Mourinhos dhe Real Madridit. Dëgjoja atë t’i drejtohej me fjalë të rënda Ramos-it dhe Pepe-s , nuk ma merrte mendja që një djalë kaq i qetë dhe kaq i mirë në pamje të jashtme, të ishte kaq i keq”.
“Cristiano Ronaldo nga ana tjetër është arrogant, por ai është një person i vërtetë. Prapa skenave ai është normal. Ai i trajton njerëzit në varësi se si e trajtojnë ata atë. Kjo është ajo që perceptojnë njerëzit. Ai është pak a shumë si Raul. Të dy janë shumë rivalizues dhe me mentalitet fituesi. Do të preferonin që skuadra të fitonte 2-1 me golat e tyre, sesa 5-0 me golat e shokëve të ekipit”.
