Pandemia e koronavirus është përhapur me shpejtësi të madhe në të gjithë botën, ndërsa numri i viktimave dhe të prekurve nga ky virus famëkeq janë të shumtë.
Lojtarët e futbollit nuk kanë hezituar dhe kanë dhuruar donacione për autroitetet shëndetësore.
Mbrëmjen e djeshme mësohet se futbollisti i Real Madrid, Gareth Bale së bashku me gruan e tij, kanë dhuruar 500 mijë paund për Spitalin Universitar të Uellsit, një institucion me të cilin Bale ka marrëdhënie të mira.
“Dëshira e Gareth dhe Emma ishte që paratë të shpenzohen në luftën kundër COVID-19”, thuhet në njoftim.
Len Richards, drejtor ekzekutiv i këtij institucioni, falënderoi çiftin për kontributin e tyre bujar: “Është shumë inkurajuese të dëgjosh që ata kanë zgjedhur spitalin e vendlindje për të dhënë diçka”.
