Bundesliga është e gatshme të kthehet gjatë muajit maj, nëse qeveria gjermane jep dritën e gjelbër, kanë konfirmuar zyrtarët e ligës.
Kampionati është pezulluar që nga mesi i marsit për shkak të shpërthimit të koronavirusit, pandemi e cila deri më tani ka infektuar rreth 150.000 mijë persona dhe i ka marrë jetën 5,354 njerëzve në Gjermani.
Rifillimi i futbollit pas dyerve të mbyllura, mbetet i varur nga miratimi i qeverisë dhe i të gjitha shteteve federale. Shefi ekzekutiv i Bundesligës, Christian Seifert, paralajmëroi se të caktosh një datë të specifike “nuk do të ishte e udhës dhe jo në duart e tyre”.
“Nëse duhet të fillojmë më 9 maj, ne jemi gati. Nëse do të jetë më vonë do të jemi përsëri gati,” ka thënë Seifert.
Përfundimi i sezonit 2019/20 mbetet prioritet në futbollin gjerman, me Seifert që deklaron se nëse sezoni nuk do të përfundonte kjo do të nënkuptonte “Bundesliga do të ishte pjesë e dëmit kolateral e shkaktuar nga kriza e koronavirusit”.
