Shkencëtarët thonë se koronavirusi nuk mund të përhapet nëpërmjet seksit, por nuk e përjashtojnë plotësisht mundësinë e transmetimit.
Mostrat e semenit (spermës) të 34 meshkujve në Kinë që shfaqën formë të mesme të koronavirusit janë analizuar pasi testimet e tyre dolën negative.
Shkencëtarët thonë se nuk kanë gjetur ndonjë provë që virusi mbetet në semen, gjë që nënkupton se sëmundja nuk transmetohet seksualisht kur një person i infektuar është shëruar.
Mjeku James M. Hotaling, bashkëautor i studimit dhe profesor i asociuar në urologji për fertilitetin e meshkujve tha:
“Fakti që në këtë studim të vogël, paraprak thuhet se virusi që shkakton Covid-19 nuk shfaqet në teste ose spermë mund të jetë një gjetje e rëndësishme. Nëse një sëmundje si Covid-19 do të transmetohej seksualisht do të kishte pasoja të mëdha për parandalimin e sëmundjes dhe mund të kishte pasoja të rënda për shëndetin riprodhues afatgjatë të një njeriu”.
Sipas të përditshmes britanike “The Sun”, mjeku paralajmëroi se kontakti intim mund të rrisë rrezikun e infektimit nëpërmjet kollitjes, tështimës apo puthjes.
Duke ditur se disa persona nuk shfaqin shenja të virusit, ndodh që të infektojnë të tjerët pa dijeninë e tyre.
