Pas dy javësh është arrestuar autori i plagosjes së 32 vjeçarit në Vlorë.
Policia njofton se falë bashkëpunimit me qytetarët është vënë në pranga E. Sh., 36 vjeç, banues në Radhimë, Vlorë.
Ky shtetas dyshohet të jetë një nga autorët e implikuar në ngjarjen e ndodhur më 8 prill, në aksin rrugor Radhimë-Orikum, ku në bashkëpunim me një shtetas tjetër, ka plagosur lehtë me armë zjarri shtetasin D. K.
Këtij shtetasi, Gjykata e Shkallës së Parë Vlorë i ka caktuar masën e sigurisë “Arrest në burg”, për veprat penale “Kanosja”, “Plagosja e lehtë me dashje” dhe “Armëmbajtja pa leje”.
Materialet do t’i referohen Prokurorisë së Vlorës, për veprime të mëtejshme
Ngjarja:
Më 8 prill, rreth orës 11:00, në aksin rrugorë Orikum-Vlorë, pranë vendit të quajtur ‘Nënstacioni i Radhimës’ si pasojë e një konflikti mbeti i plagosur lehtë me sende të forta shtetasi D.K., 32 vjeç, banues në Radhimë. Policia identifikoi të dy autorët e ngjarjes dhe organizoi grupe të posaçme policore me qëllim kapjen e autorëve.
