Një 42-vjeçar shqiptar është vënë në pranga në Firence nga autoritetet italiane, pasi akuzohet për trafikim të kokainës.
Bëhet fjalë për shtetasin Erando Mara, i cili ushtronte profesionin furnizues kafeje.
Shqiptari përfitonte nga leja e lëvizjes së tij për punë, për të transportuar dhe furnizuar me kokainë zona të ndryshme të Italisë.
Gjatë ndalimit nga autoritetet policore 42-vjeçari është shfaqur mjaft nervoz, gjë që ka çuar në dyshimet e forcave të rendit për një kontroll të imët të auotmjetit të tij tip Toyota Corolla. Me ndihmën e qenve antidrogë nën sediljen e shoferit u gjet 3.5 kg kokainë e konfeksionuar në 3 pako e 1 kg tjetër u gjet e fshehur në një vend të modifikuar të makinës.
Shqiptari u vu në pranga me akuzën e trafikut të 4.5 kg kokainë e në banesën e tij në Faenza ku u sekuestruan 37 mijë euro para të thata si dhe 1,300 euro të tjera të cilat i kishte me vete në momentin e ndalimit.
Autoritetet policore italiane informojnë se 42- vjeçari shqiptar Erando Mara, ishte ndaluar nga policia rrugore dhe në ditën e Pashkëve për verifikim të motivit të lëvizjes së tij, por pa iu kontrolluar automjeti.
