Silvio Proto është gati të ngre flamurin e bardhë. Portieri i dytë i Lazios, duke folur për mikrofonat e “Sudpresse”, ka deklaruar se nëse Serie A nuk starton së shpejti atëherë ai mund t’i thotë lamtumirë futbollit.
“Në moshën time nuk mund ta imagjinoj të kthehem në një nivel të mjaftueshëm pas katër muajsh pushimi”. – ka thënë fillimisht ai.
“Nuk është problemi i kushteve fizike, por kurrë nuk jam ndalur për gjashtë javë. Kam humbur shumë forcë në këmbët e mia dhe në moshën time vështirë të rikuperohet shpejt, çdo vonesë tani më shtyn mua drejt tërheqjes”.
Një vështrim shumë negativ i situatës ky i portierit, për vetë faktin se stërvitja në Itali mund të rifillojë në fillim të majit, kur kanë kaluar dy muaj nga seanca e fundit me Lazio. Proto ka edhe një vit tjetër kontratë me bardhëkaltërit, marrëveshja aktuale e tij skadon në qershor të vitit 2021.
