Val Kilmer është një nga aktorët më të famshëm në botë, por edhe më simpatiku.
Tashmë ai është 60 vjeç dhe ka vendosur të ndajë sekretet e jetës së tij, me anë të një libri autobiografik.
Kilmer është i famshëm për lidhjet e tij me femrat e njohura. Kur ishte vetëm 21 vjeç, ai u lidh me këngëtaren e njohur Cher, e cila ishte 10 vjet më e madhe se ai. Ata kaluan një periudhë të shkurtër pasionante, për t’u ndarë më pas.
Kilmer më pas u lidh me Carly Simon, lidhje që nuk zgjati shumë, dhe më pas u martua me aktoren Joanne Ëhalley. Ata i premtuan njëri-tjetrit dashuri të përjetshme, por kjo nuk zgjati shumë, për shkak të profesionit të tyre. Por, marrëdhënie e tyre përfundoi me lindjen e dy fëmijëve.
Kilmer pati një marrëdhenie edhe me aktoren e famshme Michelle Pfeiffer, u përfol për një aferë me Jackie Kennedy, u lidh me supermodelen Cindy Craëford, madje në vitin 2004 pati një romancë edhe me Angelina Jolie.
Në librin e tij, ai thotë se lidhja që i shkaktoi më shumë dhimbje dhe që e deshi shumë, ishte ajo me aktoren Daryl Hannah. Ai tha se për gjysëm viti ka qarë çdo ditë për të dhe vazhdon ta dashurojë ende e kësaj dite.
Në vitin 2015, Kilmer humbi të gjitha pasuritë e tij, për shkak të një investimi të gabuar, dhe si të mos mjaftonte kjo, u prek nga një tumor në fyt. Tumori ishte në gradë të avancuar dhe mund t’i merrte jetën. Pa para, ai u ndihmua të shtrohej në spital për dy muaj nga ish-e dashura e tij Cher, që pagoi shpenzimet dhe arriti të shërohej mrekullisht.
Ai thotë se e gjitha kjo ndodhi vetëm falë Zotit, jo mjekëve, duke qenë se është një besimtar i devotshëm dhe beson shumë në Zot. Vetë mjekët e pranojnë që shërimi i tij ishte një mrekulli jo njerëzore.
Tashmë ai mezi flet, për shkak të sëmundjes që kaloi dhe thotë se përpiqet të dëgjojë dhe të lutet shumë.
