Pandemia e koronavirusit mund të shkaktojë një mungesë ushqimi të përmasave biblike. Është ky paralajmërimi i bërë nga Organizata e Kombeve të Bashkuara, nëpërmjet drejtorit ekzekutiv të programit ushqimor botëror (Pam), David Beasley.
Në një intervistë për ‘Guardian’, ai nënvizoi nevojën urgjente për një plan për të parandaluar “një katastrofë humanitare”.
Një raport i agjencisë së OKB me bazë në Romë të Italisë, vlerëson se numri i personave që vuajnë nga uria mund të shkojë nga 135 milionë deri në 250 milionë.
“Praktikisht në rrezik janë 30 shtete të cilat mund të përjetojnë uri të skajshme dhe të vuajnë nga uria”, shpjegoi Beasley, drejtor ekzekutiv i Ëorld Food Programme.
Ai saktësoi se nuk bëhet fjalë për persona që shkojnë në shtrat të uritur, por që në kushte ekstreme dhe emergjence, përjetojnë mungesë ushqimi.
“Nëse nuk iu sigurohet ushqim njerëzve, do të vdesin”, tha ai.
