Lojtarë nga klubet kryesore në La liga kanë shprehur shqetësimin e tyre për rikthimin në punë, ndërsa koronavirusi është ende një kërcënim.
Kapitenët nga të gjitha 42 skuadrat në La Liga dhe divizionit të dytë, mbajtën ditën e djeshme një video konferencë me shoqatën e lojtarëve (AFE), për të diskutuar kushtet pasi të rikthehen në fushën e lojës.
“Shëndeti ka qenë tema kryesore e debatit dhe këtu bien të gjithë dakord. Lojtarët dëshirojnë dhe do të rikthehen në fushë vetëm kur Ministria e Shëndetësisë të japë OK përfundimtar për t’ju rikthyer normalitetit. Shëndeti është kryesori”.
“Shqetësimet tona do të shkojnë në Ministrinë e Shëndetësisë dhe në Këshillin Kombëtar të Sportit , pasi futbollistët kërkojnë që fjala e tyre të dëgjohet në çdo kohë. Për sa i përket seancave stërvitore, ata ende nuk do të rifillojnë nëse është e nevojshme”. – shkruhet në deklaratën zyrtare të AFE.
