Ulet ndjeshëm numri i viktima nga koronavirusi në Shtetet e Bashkuara të Amerikës.
Në 24 orët e fundit janë regjistruar 1433 viktima nga COVID-19, duke e çuar në 42094 numrin total të të vdekurve të regjistruar që prej fillimit të pandemisë në SHBA.
Të dhënat u publikuan nga Universitetit Johns Hopkins, ku bën me dije dhe se ShBA numëron tashmë më shumë se 784 000 persona të infektuar nga virusi.
Ndërkohë që rreth 72 000 persona janë deklaruar të shëruar.
SHBA është zyrtarisht vendi më i prekur në botë nga COVID-19. Nju Jorku është epiqendra e epidemisë, edhe pse duket se shteti e ka kaluar më të keqen e krizës.
“Të paktën 478 të vdekur janë regjistruar në 24 orë”, njoftoi guvernatori Andrew Cuomo, bilanci më i ulët prej më shumë se dy javësh.
