Mike Tyson njihet si një nga boksierët më të mëdhenj të të gjitha kohërave. Ai ishte një peshë e rëndë monstruoze, një kampion bote dhe një ekspert i nokautit.
Por ai gjithashtu kishte një anë të errët. Jeta e tij vazhdimisht ka qenë e mbushur me skandale. Droga, burgjet, seksi i pakontrolluar, përdhunimet, zënkat … ju i vini emrin, Tyson e ka bërë atë.
Rritja mes krimit
“Fëmijëria ime ishte si ajo e kujtdo që lindi në një lagje të zezë dhe të varfër në SHBA. Nuk kishim para dhe asnjë shpresë. U arrestova shumë herë, isha i përfshirë në episodet e dhunës, drogës dhe alkoolit, – kujtoi ai. – Unë kam qenë në një bandë. Kam pasur armë, kam qëlluar njerëz. Ata më kanë qëlluar mua dhe gjithçka ka ndodhur. Unë jam rritur pa babanë tim, me nënën time, që ishte një punëtore seksi. Ne u poshtëruam, kurrë nuk kishim krenari në familjen tonë, askush nuk e dinte kush ishim.
Që kur isha 12-vjeç, vetëm më mësuan të rrihja njerëz, t’i rrëzoja, t’i poshtëroja, ta thyeja vullnetin e tyre, t’u tregoja se isha më i mirë se ata, se isha më i mirë se të gjithë të tjerët. Një fëmijë i frikësuar dhe i pasigurt. Unë nuk e kisha idenë se çfarë po bëja, por ndihesha mirë. Të gjithë më thanë se isha duke bërë mire. Kjo më bëri tiran, që nuk kisha respekt për asgjë”.
Seksi dhe varësia ndaj drogës
“Unë isha një i droguar i plotë, përdorues i rregullt i kokainës, madje e përdorja atë edhe para një ndeshjeje”, – tha Tyson, duke iu referuar sfidës së 30 korrikut 2004, në të cilën ai u mposht, kundër britanikut Danny Ëilliams.
Droga dhe një dëshirë e pakursyer për gratë e kanë shoqëruar gjithmonë. Ish-boksieri i famshëm ka folur në shumë raste për aventurat e tij seksuale, pothuajse të shndërruara në një varësi. “Kur isha i ri më shihnin si një kafshë me para. Bëja seks me nënat, motrat e njerëzve…, orgji. Isha si i çmendur, ndoshta i sëmurë pas seksit, nuk e kisha idenë”, – pranoi ai më vonë.
Karriera e tij e suksesshme si boksier i lejoi lukse të caktuara. “Në Las Vegas kam pasur qasje VIP-i në klubet e natës. Atje kam pasur një prostitute, që ishte e dashura ime”, – tha “luftëtari” jo shumë kohë më parë në podcast “Hotboxin”.
Në burg për përdhunim
Mike Tyson u dënua në vitin 1992 me gjashtë vite burg dhe 30.000 dollarë si kompensim. Ai u akuzua për përdhunim nga Desiree Ëashington, një vajzë 18-vjeçare. Kampioni i boksit u la i lirë pas tri vitesh e tetë muajsh burg për sjellje të mirë. Tyson i është referuar edhe këtij episodi me raste: “Si mund të dhunosh seksualisht dike, që vjen në dhomën tuaj të hotelit në orën dy të mëngjesit?” Gjatë qëndrimit në burg, ish-boksieri nuk e ndaloi dëshirën e tij. “Në burg kam bërë aq shumë seks, sa jam lodhur. Madje, nuk kam pasur forcë të shkoj në palestër. Unë qëndroja vetëm në qeli, tërë ditën”, – kujtoi në librin e tij autobiografik. Aty rrëfeu edhe lloje të tjera të mendimeve: “Ndonjëherë fantazoj për mundësinë e fryrjes së trurit të dikujt, në mënyrë që të mund ta kaloj pjesën tjetër të jetës time në burg”.
40.000 dollarë në muaj marijuanë dhe pronar i një plantacioni
Tyson, i cili pranoi se ka shëpenzuar deri 40.000 dollarë në muaj për marijuanë, drejton një plantacion kanabisi në Kaliforni, ku kultivimi i këtij ilaçi është i ligjshëm. “Unë nuk mendoj se ka ndonjë efekt negativ. Ndoshta ju shkoni për të fjetur, në vend që të shkoni në një takim pune, ose diçka të ngjashme, por përtej të gjithave nuk shoh një aspekt tjetër negativ. Nuk ka raste të njerëzve që kanë pirë marijuanë dhe kanë shkatërruar një shtëpi”, – tha ish-boksieri.
Tyson, gjithashtu, ka pranuar se përdori drogë para ndeshjes kundër Andreë Golota: “Kam pirë një cigare marijuanë pak para se të hyja në dhomën e zhveshjes dhe kjo nuk më bëri gjë”. Kjo ndeshje (20 tetor 2000) ishte kthimi i Mike në ring, pas një pezullimi 15-mujor për kafshimin e Holyfield.
