Këngëtari i njohur Sam Smith ka treguar rreth dyshimeve të tij se mund të jetë infektuar me koronavirus. Ai foli për vetë-diagnostikimin e sëmundjes në një intervistë për Zane Lowe në FaceTime, ku tha se dyshon të jetë mbartës i virusit edhe pse nuk është testuar.
Këngëtari tregoi edhe për mënyrën sesi motra e tij filloi të shfaqte të njëjtat simptoma, kështu që Sam bashkë me të u izoluan për tre javë për të mbrojtur familjen e tyre. Sam tha se ata e morën virusin para se në Mbretërinë e Bashkuar të merreshin masat e plota të izolimit kombëtar.
Fatmirësisht, Sam po ndihet më mirë tani dhe është duke punuar përsëri me muzikën e tij.
“Unë fillova të shkruaj dhe është një kuptim krejt tjetër, është e mahnitshme, e shkëlqyeshme.” – ka thënë këngëtari.
