Një 50-vjeçar është arrestuar në Dibër, pasi hapi lokalin dhe kërcënoi dhe kundërshtoi me dhunë punonjësit e Policisë.
Në pranga është vënë shtetasu Sh. B. banues në Peshkopi.
“Gjatë kontrollit të ushtruar në lokalin “Bar Kafe” në qytetin e Peshkopisë, shtetasi Sh. B, për shkak të detyrës, i ka goditur, kërcënuar dhe kundërshtuar me dhunë punonjësit e Policisë, duke mos iu bindur urdhrave të tyre për kontrollin e lokalit dhe shoqërimin e tij në komisariat.” thuhet në njoftimin e policisë.
Ndaj shtetasit 50 vjeçarit është marrë dhe masë administrative sipas Aktit Normativ, neni 3, pika 7, për subjektin “Bar Kafe” në administrim të tij.
Materialet i kaluan Prokurorisë së Rrethit Gjyqësor Dibër, për veprat penale “Kanosja”, “ Mosbindja ndaj urdhrit të punonjësit të policisë së rendit publik”, “Goditja për shkak të detyrës” dhe “Kundërshtim i punonjësit të policisë së rendit publik”.
