Facebook do të fshijë Disa video nga protestat kundër masave kufizuese që u organizuan në Kaliforni, New Jersey dhe Nebraska do të fshihen nga Facebook pas konsultimit me zyrtarët në ato shtete.
”Protestat përmbajnë udhëzimet për distancimin shoqëror të shteteve”, tha zëdhënësi i Facebook, Andy Stone, për CNN.
Gjatë ditëve të fundit në SHBA kanë shpërthyer protestat pasi urdhrat për mbyllje janë zgjatur, dhe shumë amerikanë kanë mbetur të papunë.
Masa vjen pasi Facebook u përball me kritika për lejimin e njerëzve që të koordinojnë protestat anti-karantinë në platformën e saj. Zyrtarët e shëndetit publik, zyrtarët shtetërorë dhe punonjësit e kujdesit shëndetësor thonë se këto protesta po rrezikojnë jetën e njerëzve: Duke mbledhur njerëz në turma të mëdha, ato rritin shanset për përhapjen e sëmundjes shumë ngjitëse, shkruan Vox.com.
Të tjerë, përfshirë Presidentin Trump, i kanë mbrojtur protestat, duke thënë në një konferencë për shtyp të hënën se protestuesit “e duan vendin tonë” dhe “duan të kthehen në punë”. Vendimi i Facebook për të hequr këto postime vjen në një kohë kur kompania po përpiqet të rritet si një udhëheqës në përdorimin e të dhënave të mëdha për të luftuar përhapjen e virusit, ndërsa gjithashtu duke luftuar përpjekjet e disa prej përdoruesve të saj për të përhapur dezinformimin Covid-19.
