CR7 dhe Ronaldo “fenomeni” janë dy nga lojtarët më të mirë në historinë e futbollit që në shpinën e tyre kanë mbajtur të njëjtin emër.
Të dy lojtarët kanë fituar trofe të shumtë si me klubet ashtu edhe me kombëtaret ndërsa kanë koleksionuar edhe një numër të madh trofesh individual.
Dy fenomenët e futbollit nuk kanë luajtur në të njëjtën periudhë. Dhe portugezi i cili është më bashkëkohor paragjykohet shpesh nga tifozët, ku fansat e brazilianit shpesh i thonë që Ronaldo i vërtetë është ai braziliani.
Në Instagram gjatë një live më ish-futbollistin e Italisë, Fabio Cannavaro, Ronaldo Luis Nazário de Lima i doli në krah futbollistit aktual të Juventusit: “Për Cristianon, duhet të jetë e mërzitshme të dëgjojë që unë jam Ronaldo i vërtetë . Njerëzit nuk mund të krahasohen. Cristiano do të mbetet në historinë e futbollit për golat dhe për trashigiminë. Ai është një nga më të mirët, ashtu si Messi”.
