Disa klube të Serie A janë kundër rifillimit të sezonit për shkak të pandemisë së koronavirusit.
Siç raporton agjencia e lajmeve “Adnkronos”, Torino, Sampdoria, Bologna, Parma, SPAL, Brescia dhe Udinese, janë kundër idesë të përfundimit të sezonit.
Sipas këtij raportimi, skuadrat kundërshtojnë rikthimin e futbollit për shkak të “rrezikut të pallogaritshëm” nga Covid-19.
Sido që të jetë, nga mbledhja e mbajtur të hënën, Serie A konfirmoi dëshirën për të rinisur sezonin dhe bëri të ditur se janë duke pritur vetëm dritën e gjelbër nga Qeveria e Italisë.
Nga Italia raportohet se stërvitjet mund të rinisin pas datës 4 maj, ndërsa sezoni i pezulluar mund të startojë në fund të majit.
