Shkencëtari Luc Montagnier, fitues i çmimit Nobel, ka ndezur një polemikë të re duke pretenduar se virusi SARS-CoV-2 erdhi nga një laborator, dhe është rezultat i një përpjekje për të prodhuar një vaksinë kundër virusit të AIDS.
Në një intervistë për kanalin francez CNews, profesori Montagnier, i cili bashkë-zbuloi HIV-in (Human Imunodeficiency Virus) pretendoi praninë e elementeve të HIV-it në gjenomin e koronavirusit dhe madje edhe elementë të “mikrobit të malaries”, janë shumë të dyshuar, sipas një raporti në Asia Times.
“Laboratori i qytetit Wuhan është specializuar në këto koronaviruse që nga fillimi i viteve 2000. Ata kanë ekspertizë në këtë fushë,” u citua të thoshte ai.
Teoria se virusi Covid-19 e ka origjinën në laborator po qarkullon për mjaft kohë.
Presidenti amerikan Donald Trump javën e kaluar pranoi raportin e Fox News se koronavirusi mund të ketë rrjedhur rastësisht nga një praktikant që punon në Institutin e Virologjisë në Wuhan, Kinë.
Transmetimi fillestar i virusit ishte njeri-njeri, tha Fox News, duke shtuar se “pacienti zero” punonte në laborator. Punonjësi i laboratorit u infektua aksidentalisht përpara përhapjes së sëmundjes midis njerëzve të thjeshtë jashtë laboratorit në qytetin Wuhan.
Profesor Montagnier iu dha Nobmimi Nobel në Mjekësi i vitit 2008 për zbulimin e virusit të SIDA-s, bashkë me profesorin e kolegun e tij, Françoise Barre-Sinoussi.
Pretendimi i tij i fundit për koronavirusin, megjithatë, mori kritika nga shkencëtarët, përfshirë kolegët e tij.
Sipas një artikulli në Washington Post, dy vjet më parë, zyrtarët e ambasadës amerikane në Kinë ngritën shqetësime në lidhje me biosigurinë e pamjaftueshme në Institutin e Virologjisë Wuhan, ku studiohen viruset vdekjeprurëse dhe sëmundjet infektive.
Megjithëse instituti, i vendosur mjaft afër tregut të Wuhan, është laboratori i parë i Kinës për biosigurinë IV, Departamenti i Shtetit Amerikan kishte paralajmëruar në vitin 2018 për “mungesë serioze të teknikëve dhe studiuesve të trajnuar siç duhet, të nevojshëm për të operuar me siguri në këtë laborator”.
