Wayne Rooney e ka cilësuar Lionel Messin, si superior krahasuar me ish-shokun e skuadrës te Man.United, Cristiano Ronaldo.
Në një prononcim të dhënë për “Sunday Times”, ish-sulmuesi i “Djajve të Kuq”, i ka cilësuar të dy futbollistët si më të mirët që ka parë por sipas tij më i miri në botë është argjentinasi.
“Ronaldo në fillimin e karrierës nuk ishte i përqëndruar te golat, por tek ai shihje gjithmonë qëndrimin e palëkundur për tu përmirësuar në çdo aspekt”.
“Cristiano është bërë një golashënues i pabesueshëm dhe ai me Messi-n janë ndoshta dy futbollistët më të mirë që kam parë. Por, pavarësisht miqësisë me Cristiano-n, unë do të zgjidhja Messi-n”.
“Ronaldo është i pamëshirshëm në zonën e rreptësisë, një vrasës. Por Messi të torturon para se të të vrasë. Me Messin ke përshtypjen se po argëtohet më shumë”.
“Ata të dy kanë ndryshuar plotësisht lojën për sa i takon shifrave dhe golave dhe nuk besoj se do të barazohen kurrë”, ka përfunduar Rooney.
