Aktorja e njohur e humorit Delinda Disha pas largimit nga spektakli i humorit ‘Portokalli’ filloi punë në një tjetër spektakël humori ‘Klanfornia’. Por pak pas largimit të saj nga Top Channel aktores i erdhi një padi nga ky televizor që i kishte ngritur për shkelje kontrate. Por Disha u shpreh se asaj i është falsifikuar firma.
Pavarësisht “zhurmës” që shkaktoi largimi i saj, në një video live me aktorin Gent Hazizi, Delinda u shpreh se në punën e saj të re në “Klanifornia” ka gjetur gjëra që i mungonin prej kohësh në një ambient pune
“Në këtë staf kam gjetur dashuri harmoni, paqe, sinqeritet, dhe shumë gjëra që kisha vite që më mungonin”, ka thënë aktorja.
Po ashtu në një pjesë të videos Genti i tha se është normale të këtë konkurencë me të tjerët se aktorët kështu e kanë.
Mirëpo Delinda ka treguar se për të kjo nuk është problem se pa konkurencë ‘nuk jeton dot’.
