Në Itali, për herë të parë që prej shpërthimit të emergjencës nga COVID, numri i pacientëve që aktualisht rezultojnë pozitivë ndaj koronavirusit është në rënie, krahasuar me ditën paraardhëse. Sot ka 108.237 pacientë në Itali ndërsa dje ishin 108.257, pra 20 më shumë se ditën e sotme.
Përgjatë 24 orëve të fundit janë shënuar 443 viktima nga koronavirusi, duke e çuar mbi 23 mijë numrin e përgjithshëm të të vdekurve.
Sipas të dhënave nga Emergjencat Civile, bëhet me dije se në 24 orët e fundit janë shënuar mbi 3 mijë raste të reja me koronavirus, duke bërë që Italia të numërojë mbi 180 mijë të infektuar në total.
Sot është parë një rritje e numrit të viktimave. Ditën e djeshme Italia rregjistroi të paktën 433 të vdekur nga virusi, sot janë shënuar 10 viktima më shumë. Megjithatë situata po shkon drejt përmirësimit sepse kanë rënë si numri i viktimave ashtu edhe ai i të infektuarëve.
Dje, një repart për Covid-19 në Milano u mbyll, ndërsa në spitalin e Bergamos, qyteti më i prekur nga virusi është parë që dhomat e urgjencës janë boshatisur. Ndërkohë kryeministri Conte ka bërë me dije në një nga konferencat e tij të përditshme se Italia do të futet në fazën e dytë të virusit më datë 4 maj, por edhe atëherë kur vendi të rihapet qytetarët duhet të ndjekin rregullat për t’u mbrojtur. Ndërsa nga fillimi i kësaj jave në Itali janë hapur disa dyqane si libraritë, kancelaritë dhe dyqanet me rroba për fëmijë. Ndërkohë autoritetet kanë bërë thirrje që të gjithë ata persona që rikthehen në punë, duhet t’iu përmbahen rregullave në mënyrë që të mos rrezikojnë jetën e tyre nga Covid-19.
